?Առաքելություն Հայաստան? ԲՀԿ բոլոր ենթակառույցներում ամանորյա տոնական տրամադրություն է արդեն մի
քանի օր շարունակ: Բազմաբնույթ միջոցառումներ են կազմակերպվում Երեւանում եւ մյուս
մարզերում գործող ԱՀ ԲՀԿ ենթակառույցներում: Միջոցառումներին մասնակցում են հենց
իրենք՝ տարեցներն ու հաշմանդամները. երգ, պար, ասմունք, բարեմաղթանքներ,
անակնկալներ?
Բարեգործական ճաշարաններում մատուցվում է տոնական ճաշ, քաղցրավենիք, տոնական տորթ:
Շահառուների դեմքին փայլող ժպիտը լավագույնն է, որն ստանում են միջոցառումների
կազմակերպիչները, ներկա հյուրերը:
Նոր Նորքի համայնքային կենտրոնում ս.թ. դեկտեմբերի 28-ին կազմակերպված տոնական
միջոցառմանը իրենց երգերով հանդես եկան տարեցների երգչախումբի անդամները,
ասմունքողներ, երաժիշտներ:
Քանաքեռ-Զեյթունի Սոցիալական տան մանկապարտեզի սաների համար ամանորյա միջոցառումը
եւս շատ սպասված էր: Չէ՞ որ նրանց հյուր էր եկել Ձմեռ պապը իր նվերներով:
Իսկ Շենգավիթի համայնքային կենտրոնի բարեգործական ճաշարանում դեկտեմբերի 29-ին
կազմակերպված միջոցառմանը տարեցներին եւ հաշմանդամներին շնորհավորելու էին եկել ?Սուրմալու?
պարային համույթի փոքրիկները:
Միջոցառումները շարունակվում են?
?Առաքելություն Հայաստանը? շնորհավորում է բոլորի Ամանորն ու Սուրբ Ծնունդը:
Թող գալիք 2011 թվականը պարգեւի Ձեզ հաջողություն,
երջանկություն եւ իրագործի Ձեր ամենանվիրական երազանքները:
Մաղթում ենք Ձեզ խաղաղություն, առողջություն եւ ամենայն բարիք:
No Comments yet!